Le président américain Barack Obama à Knoxville (Tennessee), le 9 janvier 2015


Pa yon Prezidan, pa yon vis prezidan, pa yon minis Ameriken nan mach repiblikèn kont teyoris , ki te òganize a Pari dimanch, aprè atak teyoris an Frans lan ki te kite plis pase 16 moun mouri. 
Medya Ameriken yo, a kèk palmantè, kritike gouvènman Barack Obama a dèske yo pat voye okenn reprezantan Ameriken pou montre solidarite ak pèp fransè a.

Sekretè Deta Ameriken an John Kerry pandan li te an End, lendi a, anonse ke li prale a Pari Vandredi, nan sa ki sanble yon efò pou sove figi diplomasi Amerikèn nan.

"Relasyon avèk Lafrans se pa nan yon jou patikilye" li di

"Mwen te youn nan premye dirijan nan mond lan ki te pale a fransè yo, ekspirme sipriz nou ak lyen fò Ameriken yo ak fransè yo"

Plis pase 50 dirijan peyi te prezan nan mach sa a, kote plis pase yon milyon moun te patisipe, pou montre solidarite yo ak viktim ki te kite 17 moun mouri a.

Prezidan Fransè a François Hollande te antoure de chanselyè Alman an Angela Merkel, Prezidan Palestinyen an Mahmoud Abbas, premye minis Izraèl la Benjamin Netanyahu ak plizyè lòt ankò. 
Etazini te reprezante pa Anbasadè li a an Frans, Jane Hartley. Minis Jistis Ameriken an Eric Holder ki te a Pari pou yon reyinyon sou teyoris, pat patisipe nan mach la.
Jake Tapper, yon jounalis CNN, ki li menm te ap fè repòtak an dirèk a Pari, ekri nan yon atik:
" An tan ke yon Ameriken, mwen wont..."
Jounjalis kontinye pou li di " Mwen imajine ke toujou gen anpil risk pou yon dirijan Ameriken ki patisipe nan yon evenman konsa(...) akize ke yo ap pwofite de yon trajedi, men, se pa konsa ke sa tap entèprete an Frans."

Anpil moun di ke menm si prezidan an pat ka ale, youn nan minis yo, ou byen yon ansyen prezidan tankou Bill Clinton, te dwe ale pou yo montre sipò yo.
Jodi a nan yon konferans de près, Pò pawòl prezidan Ameriken an Barack Obama, admèt ke se te yon gwo erè dèske pat gen yon diplomat ki nan yon pi gwo pozisyon reprezante Etazini.