Gwoup teyoris izlamik (ISIL) difize yon videyo montre asasinasyon jounalis Japonè a, Kenji Goto, ki yo te kidnape yon lane de sa.

Videyo ke yo difize a sou sit entènèt yo gwoup teyoris la, ki montre jounalis yo te kidnape pandan li tap fè repòtaj sou gè sivil Siri a ane pase, nan videyo a yon nèg ki gen yon mas nwa nan figi li, koupe tèt jounalis la ak yon kouto file.

Asasen an adrese premye minis Japonè a, Shinzo Abe, dirèkteman, li di
" Akoz desizyon danjere ou la pou pran pa nan yon gè ke ou pa ka genyen, kouto sa a pa sèlma koupe kou Kenji, men li ap kontinye lakoz la perèz nenpòt kote moun ou yo ye. Alò ke move rèv pou Japon an kòmanse."

Premye minis Abe adrese peyi a, yon ti tan aprè li te aprann de videyo a, li kondane zak babarik si la a, premye minis la di ke gouvènman li an te fè tou sa ki posib pou sove lavi jounalis la.

"Japon pap pèdi batay kont teyoris." Premy minis lan di.

Lanmò brital ke jounais sila a sibi nan men gwoup san fwa ni lwa sa yo, se yon gwo tristès pu jounalis an Ayiti, e atravè mond lan.

Goto se te yon jounalis ki te travay a tèt li, ki fè repòtaj nan zòn lagè, pou plis pase 20 lane an Afrik, Afganistan, e lòt peyi.

Li vwayaje an Siri, an pati pou li te sove yon zanmi li Haruna Yukawa, ki te kidnape pa gwoup ISIL la, nan mwa d'Out ki sot pase la.

Nan mwa Oktòb ane pase, gwoup teyoris la kidnape jounalis ke tout moun renmen pou bon kè li. 

Repòtaj li nyo se te toujou sou timoun, granmoun ak fanmi ki ap soufri akoz de gè yo. Li pat janm nan politik, ni pale de kiyès ki ap genyen ou byen kiyès ki ap pèdi, men vrè moun ki ap soufri yo.

Semèn pase a, gwoup lame yo nan yon video ki montre yon foto Goto, anchene nan jwenti men li, kenbe yon foto ki montre zanmi li yan Youkawa, ou ka tande nan video vwa zanmi li yan pandan yo ap touye li ya.
Videyo a te kontinye pou li bay gouvènman Japonè a yon 24 è dèle pou jedi, kote yo te gen pou yo lage Goto an echanj fanm prizonye irakyen an Sajida al-Rishawi, ki li menm te kondane an Jòdani pou atanta teyoris sou yon otèl. Sajida nan prizon e li ap tann pèn  lamò.