Image may contain: ocean, beach, sky, one or more people, outdoor and nature



A nevè trant nan maten m
èkredi pase, Lapolis Nikaragwa di ke yo jwenn kadav de jèn gason nan bouch rivyè Sapowa, Komin Depatman Kadena Rivas, enstitisyon an siyale, sa ki pòte total migran san papye ki mouri neye yo a dis. Dis moun ki nwaye nan dlo Gran Lak Nikaragwa a, oubyen Kosibolka.

Ant dimanch swa e lendi tout jounen an, kadav kat moun te dekouvri, ak twa l
òt madi maten nan bouch rivyè a. Sèt kadav gason ak yon fanm. Fanm nan, daprè yon komnike la prè lapolis te bay, li te ansent.

Yon premye rap
ò fè konnen ke moun sila yo te ka peri pandan y-ap travèse rivyè Sapowa a, nan pwent sid peyi Nikaragwa a, epi vag Gran Lak la bale yo, vag sa yo ki dè fwa men jan ak vag lamè.

Rap
ò mediko-legal la detèmine ke koz lanmò viktim yo se " Asfizi pa nwayad"

Nòt lapolis la ajoute ke "Karakteristik fizik yo ak rad fè nou kwè ke se moun ki soti an Afrik ki ap eseye al Etazini." Paske nouvèl sa fè gwo eko nan rejyon an, anpil ayisyen di ke moun sa yo se konpatriyòt yo yo ye, e gen kèk moun i bay non moun pami sila ki peri yo.


Pandansetan prezidan Panama a Juan Carlos Varela (Wann Kal
òs Varela) deklara madi, pandan yon seremoni piblik, kote ke li te fè referans sou sitiyasyon anpil migran san papye ki nan peyi pa li a, ki di ke se Kongo yo soti men " Tout endikayon montre ke se Ayiti yo soti.

Pasaj Nikaragwa a obligatwa pou moun sa yo ki a ala rech
èch rèv Ameriken yo an.