Manifestan boule o mwen sèt legliz rapye tè jodi samdi a nan Niamey, a koz de desen pwofèt Mahomè a , ke magazin fransè a "Charlie Hebdo" pibliye nan paj kouvèti nouvo edisyon li an.

Sèt lye adorasyon sa yo, pi fò legliz evanjelik,  landan yo genyen ki pa gen okenn sin pou idantifye yo kòm legliz te boule; daprè sa jounalis AFP fè konnen, manifestan yo te ale nan kapital peyi Nijè a, kote ki non sèlman gen anpil legliz, men anpil lòt bizniss tankou otèl, ba, restoran, ki te gen ansèy an fransè, ou byen mèt yo pat mizilman, te boule rapye tè tou.

Yon mekanisyen ki di yon jounalis AFP ke "Kèk nan nou te fèmen kò nou anndan kay, se premye fwa nan vi nou nou te pè konsa." Mekanisyen an ki li menm se Kretyen, anndan atelye li a ansanm ak anplwaye li yo, ap gade nan yon ti fenèt, manifestan yo ki ap kraze yon lòt bizniss anfas la.
Mekanisyen an kontinye pou li di " Nou menm, isit la, nan travay, oblije fèmen tèt nou anndan atelye nou. Vrèman nou trè pè. Fòk leta mete yon fen ak tout bagay sa yo.

Kiema Soumaïla, mèt yon ba trè popilè nan Niamey a li menm di. " Depi lè manifestasyon an te kòmanse bò Moske a, nou te santi ke ke sa tap rive. Mwen di tout anplwaye'm yo pou yo ale lakay yo...."
"Manifestan yo kraze pòt antrans lan, epi yo mete dife aprè yo te fin kraze tout sa ki an glas anndan an" Kiema di ak yon gwo regrè nan vwa li.
Daprè sous sekirite, sis gwoup moun ki te gen ladan yo anviron 200 a 300 moun, repati nan vil la e kòmanse simen la perèz nan kapital Nijer a, Niamey.
Kawoutchou te ap boule nan kafou yo, nan yon lòt vil, Maradi, ki li menm ant NIamey ak ak Zinder, dezyèm vil peyi a.
Pou le moman genyen o mwen 4 moun ki pèdi lavi yo ak 45 blese.