yon gwo aksidan nan dezyèm jou kanaval nasyonal Ayiti a, kite 16 moun mouri e plis pase 75 blese grav.

Youn nan cha mizikal yo frape yon fil kouran hot vòltaj tou prè mize MIPANA a.
15 nan viktim yo mouri sou le chan, lòt yo mouri nan lopital jeneral ki ap pran swen lòt blese grav yo.

Chantè group Rap Kreyòl la Barikad Crew, ke tout  moun konnen de non atis li Fantom, nan kondisyon kritikal, temwen di ke fil kouran yo te frape li dirèkteman. Doktè Mak St Albin ki ap pran swen chantè, demanti rimè ki fè konnen ke chantè a te gentan mouri; doktè a konfime ke Fantom pòte li trè mye kounye a.

Kanaval Nasyonal Ayiti a dabitid atrakte  foul nan dizèn milye de moun, de tou patou nan peyi a ak a letranje, e ane sa a pat diferan, gwo jwè Baskèt Bòl Ameriken yo Chris Bosch ak Dwayne Wayde ki te vini ak madanm li, Gabrielle Union nan kanval popilè peyi dAyiti a.

"Sa se yon trajedi" David Germain, yon temwen 27 an di.
Kanaval se yon moman kote nou menm Ayisyen bliye klas sosyal, lajan, dezagreman, politik e nou met tèt nou ansanm pou nou selebre, pu nou pase yon bon moman, men, sa se yon trajedi