Administrasyon prezidan Ameriken an Barak Obama, yè mèkredi a rejte demand prezidan Kiben an Raul Castro, pou Etazini retounen baz naval wanntanamo a , nan kondisyon pou de peyi yo retabli relasyon diplomatik ant yo.

Roberta Jacobson, tòp diplomat ameriken  pou Amerik Latin nan, di ke Etazini ap kontinye transmèt siyal radyo ak televisyon anndan Kiba, menm si gouvènman Kiba a opoze.

Semèn ki sot pase a, prezidan kiben Raoul Castro etabli objecktiv pou de peyi yo raproche, ladan yo pou  Etazini retounen baz militè ak prizon, Wanntanamo, leve anbago e dedomaje Kiba.

Etazini etabli baz naval la an 1904, gouvènman kominis Kiba a, depi an 1959 ap mande Etazini pou li retounen baz la.

"Zafè Wanntanamo pa sou tab diskisyon an, Jacobson di palmantè ameriken yo.
Kiba fè demand lan, men nou pa enterese diskite sa."

Jacobson ki te al rann kont a sena ameriken an madi ki sot pase la. Mwa dènye, li te vwayaje Havana pou de jou chita pale. Se te premye fwa nan 35 an ke yon ofisyèl Ameriken mete pye nan peyi a.

Sa ki pi empòtan pou kounye a se embasad. Etazini avan dwe sispann retriksyon sou diplomat ameriken.

Pou Kiba, sa ki enpòtan pou le moman se yon fen a restriksyon la bank, ke etasini mete sou Kiba, paske li te deziye kòm yon lete teyoris.